“Xınalığın əsas sərvəti insanlarıdır” – Kənan Quluzadə | VİDEO
09 Oktyabr 2024
Oxunub:776
"Xınalıq kəndində təmir-bərpa işləri aparılmazdan qabaq evlərin vəziyyəti ürəkaçan deyildi idi. Onları təmir edib, əhaliyə təhvil veririk. Əsas məqsədimiz UNESKO-nun İrs siyahısına daxil edilmiş, 1200 sakinin yaşadığı Xınalıqda, eləcə də Hacıqabuladək 6 rayonun ərazisindən keçən 220 kilometr uzunluğa malik köç yolunda bərpa işləri aparmaqdır”.
Bu sözləri Dövlət Turizm Agentliyinin sədrinin müşaviri Kənan Quluzadə Xınalıq kəndində jurnalistlərlə söhbətində deyib. O bildirib ki, hazırda Hacıqabulda da informasiya mərkəzi yaradılmaqdadır. Bu günlərdə Xınalıqda artıq köç başlayıb. Təqribən 500 sakin, əsasən gənc kişilər köç yolundan istifadə edərək Hacıqabul istiqamətinə gedəcəklər.
“Xınalığın əsas sərvəti məhz insanlardır. Biz onların məişətini, həyat tərzini, yaşayış yerlərini qoruyub saxlamaq, onları iş yerləri ilə təmin etmək üçün çalışırıq. Bu təmir-bərpa işini də kənar qüvvələrlə yox, məhz icmanın özü ilə birlikdə aparırıq. Hər sakin öz evinin təmiri ilə məşğul olarkən onlara lazımi vəsait ayırırıq",- Kənan Quluzadə deyib.